ELANLAR

Sumqayıt şəhər İcra Hakimiyyəti yanında fəaliyyət göstərən İctimai Şuranın yeni tərkibinin formalaşdırılması üçün Şuranın üzvlüyünə seçkilərin təşkili məqsədilə 9 nəfərdən ibarət seçki komissiyası yaradılıb.

Qeyri-hökumət təşkilatlarının, vətəndaş cəmiyyəti institutlarının  nəzərinə çatdırılır ki, şəhər İcra Hakimiyyəti yanında İctimai Şuranın fəaliyyətində iştirak etmək istəyənlər 02.05.2025-ci il tarixindən 03.06.2025-ci il tarixinədək İcra Hakimiyyətinin Seçki Komissiyasına müraciət edə bilərlər.

Azərbaycan Respublikası Nazirlər Kabinetinin 2014-cü il 30 may tarixli 171 nömrəli qərarı ilə təsdiq edilmiş “İctimai şuranın vətəndaş cəmiyyəti institutları tərəfindən seçilməsinə dair” Əsasnamənin 2.11-ci bəndinə əsasən vətəndaş cəmiyyəti institutu müraciətinə ictimai şuranın üzvlüyünə irəli sürdüyü namizəd barədə aşağıdakı sənədləri əlavə etməlidir:

     -   şəxsiyyət vəsiqəsinin surətini;

     -   namizədin tərcümeyi-halını;

     -   vətəndaş cəmiyyəti üzvlüyünü təsdiq edən sənədin surətini;

Əlaqələndirici şəxs : Fərman Kazımov, əlaqə telefonu (018) 65 5 35 35

                              farman.kazimov@mail.ru

İctimai Şura üzvlərinin seçilməsində nümayəndələrinin seçici kimi iştirak etməsini istəyən vətəndaş cəmiyyəti institutları 22 iyul 2025-ci il tarixədək nümayəndələri haqqında məlumatları (adı, soyadı, atasının adı, təvəllüdü, yaşayış yeri və əlaqə vasitələri ) göstərilməklə seçki komissiyasına müraciət edə bilərlər.

Seçkilər 3 iyul 2025-ci il tarixdə saat 11 00-dan 13 00-dək Sumqayıt Dövlət Dram teatrında keçiriləcəkdir.

Qeyd: Sumqayıt şəhər İcra Hakimiyyəti yanında İctimai Şuranın üzvlərinin sayı 15 nəfər müəyyən edilib.