Poçt və Rabitə

 AZƏRPOÇT-un Sumqayıt Poçt Filialı

İdarənin adı: Sumqayıt Poçt Filialı

Ünvanı: Azərbaycan prospekti 15

Əlaqə telefonu: (018) 655-22-03

Rəhbərin adı: Camal Sadıxov

Fəaliyyəti haqqında qısa məlumat:

“Azərpoçt” –un Sumqayıt Poçt Filialının 13 poçt şöbəsi fəaliyyət göstərir. Onlardan ikisi Corat və H.Zeynalabdin qəsəbə poçt şöbələridir. Poçt şöbələri əhali və idarə-müəssisələrə geniş çeşiddə, yəni 45-ə yaxın ənəvi və qeyri-ənənəvi poçt xidmətləri göstərir. Şəhərlərarası və beynəlxalq danışıq, sadə və sifarişli, qiymətli məktub, banderol, bağlama, teleqram, barat, şəhərlərarası danışıq, abunə, qaz, enerji, su haqlarının qəbulu və s. kimi xidmətlər gündəlik əhaliyə göstərilən xidmətlərdəndir. Əməliyyatların aparılmasının avtomatlaşdırılması məqsədilə bütün poçt şöbələri texniki vasitələrlə (kompyuter, elektron tərəzi, faks aparatları) tam təmin edilmişdir. Dünya Bankının Rabitə və İnformasiya Texnologiyaları Nazirliyinin birgə layihəsinə əsasən Poçtamtda və onun poçt şöbələrində struktur islahatları aparılır. Poçt şöbələrinin estetik təmir edilməsinə başlanmışdır. Dünya Bankının xətti ilə görülən işlər, Sumqayıt şəhərində əhali və idarə-müəssisələrə geniş çeşiddə, yüksək səviyyədə poçt rabitəsi xidmətləri göstərməyə imkan verəcəkdir. Sumqayıt Poçt Filialı “Azərpoçt” DM-nin ən qabaqcıl müəssisəsi kimi, birgə layihənin həyat keçirilməsində də birincilər sırasındadır.Belə ki, PŞ-də maliyyə xidmətlərinin göstərilməsi üçün respublikada Bakı şəhərindən sonra ilk olaraq 9, 11 saylı və Mərkəzi Poçt Şöbələri üçün əlavə, xüsusi əhəmiyyətli kompyuterlər alınaraq quraşdırılmışdır. İnformasiya Texnologiyalarının  geniş tətbiqi işin sürətini və keyfiyyətini xeyli artırmışdır.

TELEKOMMUNİKASİYA QOVŞAĞI

İdarənin adı: Sumqayıt Telekommunikasiya Qovşağı

Ünvanı: Azərbaycan prospekti 15

Əlaqə telefonu: (018) 642-35-00, 642-00-23

Rəhbərin adı: Nəriman Salmanov

Fəaliyyəti haqqında qısa məlumat:

Sumqayıt Telekommunikasiya Qovşağı Azərbaycan Respublikası Rabitə Nazirliyinin 1996-cı il tarixli əmri ilə yaradılıb. Müəssisə Azərbaycan Respublikası Nəqliyyat Rabitə və Yüksək Texnologiyalar Nazirliyinin sisteminə daxildir, “Aztelekom” İstehsalat Birliyinin müstəqil strukturlu təsərrüfat vahididir, müstəqil balansa malikdir, tam təsərrüfat hesabı və özünümaliyyələşdirmə prinsipləri əsasında fəaliyyət göstərir. İdarə yerli hakimiyyət orqanlarına, əhaliyə, müəssisə, idarə və təşkilatlara yüksək keyfiyyətli və fasiləsiz rabitə xidməti göstərir. Sumqayıt Telekommunikasiya Qovşağında 8 Avtomat Telefon Stansiyası mövcuddur. Ümumi tutumu 54892 ədəd, istifadə tutumu 54604 ədəddir. O cümlədən, elektron avtomat telefon stansiyaları 4, tutumu 24992 ədəddir.