Şriftin ölçüsü :

Saytın rəngi :

Sumqayıt şəhərində “31 Dekabr Dünya Azərbaycanlılarının Həmrəyliyi Günü” və “Yeni il bayramı” ilə əlaqədar ümumşəhər bayram tədbiri keçirilib.

29 dekabr 2015 | 16:00

29 dekabr 2015-ci il tarixdə Sumqayıt şəhərində “31 Dekabr Dünya Azərbaycanlılarının Həmrəyliyi Günü”  və “Yeni il  bayramı” ilə əlaqədar ümumşəhər bayram tədbiri keçirilib. "Qərb Saray”-da keçirilən bayram tədbirini giriş sözü ilə Sumqayıt şəhər İcra Hakimiyyətinin başçısı Zakir Fərəcov açıb. Şəhər İcra Hakimiyyəti başçısı yığıncaq iştirakçılarını xalqımızın birlik və mütəşəkkilliyinin, milli təəssübkeş və vətənə sədaqətinin rəmzi olan “31 dekabr Dünya Azərbaycanlılarının Həmrəyliyi Günü” və “Yeni il” bayramları münasibəti ilə təbrik edərək, regionların sosial-iqtisadi inkişafından, quruculuq və abadlıq işlərinin Sumqayıt şəhərində də sürətlə aparılmasından danışıb. Tədbirdə şəhər İcra Hakimiyyəti Başçısı Aparatının məsul işçiləri, hüquq-mühafizə orqanlarının, idarə, müəssisələrin rəhbərləri, ərazi nümayəndələri,  məktəb və bağçaların pedaqoji kollektivləri, ağsaqqallar, ictimaiyyət nümayəndələri iştirak edib, 2015-ci ildə rayonun ictimai-siyasi həyatında, sosial-iqtisadi inkişafında, təhsil və idmanda fərqlənənlərə fəxri fərman və hədiyyələr verilib.
Bayram şənliyində respublikanın tanınmış incəsənət ustalarının ifasında mahnılar səsləndirilib, şəhərin musiqi kollektivləri, Şaxta baba və Qar qız iştirakçılara xoş ovqat bəxş ediblər.
Tədbir iştirakçılarına bayram süfrəsi açılıb.
Sonda  Heydər Əliyevin adını daşıyan parkda atəşfəşanlıq olub.

Keçidlər