Zakir Fərəcov 12 saylı məktəbdə oldu, müəllimlərlə görüşdü
Sumqayıt şəhər İcra Hakimiyyətinin başçısı Zakir Fərəcov şəhərin 1-ci məhəllə ərazisində yerləşən 12 saylı məktəbdə olub, burada məktəbin kollektivi ilə görüşüb.
Məktəbin fəaliyyəti ilə yaxından tanış olan şəhər rəhbəri şagirdlərin dərsə davamiyyəti ilə maraqlanıb və müəllimlərlə görüşüb.
Vurğulanıb ki, aparılan statistik təhlillər son bir neçə ildə Sumqayıt təhsilinin bütün göstəricilər üzrə dinamik artım tempi nümayiş etdirdiyini, davamlı inkişafa nail olunduğunu deməyə əsas verir. Bu il 12 saylı məktəbin məzunları qəbul imtahanlarında 82 faiz nəticə göstərib.
Şəhər rəhbəri bu göstəricilərin daha da yüksəldilməsi üçün kollektivə tövsiyələrini çatdırıb, şəhərdə görülmüş işlər və gələcəkdə həyata keçirilməsi planlaşdırılan layihələrlə bağlı ətraflı məlumat verib, şəhərin inkişafı ilə bağlı onların təkliflərini dinləyib.
.jpg)
