AZƏRBAYCAN RESPUBLİKASI
SUMQAYIT ŞƏHƏR
İCRA HAKİMİYYƏTİ
- Ünvan: AZ 5000, Azərbaycan Respublikası, Sumqayıt ş., Azərbaycan prospekti, 9
- Faks: (+994 18) 6420000
- E-mail: mail@sumqayit-ih.gov.az
Xəbərlər
-
Sumqayıt bulvarında təntənəli Novruz şənliyi keçirilib
2019-03-17Min illərdir ki, xalqımız baharın gəlişini Novruz bayramı ilə qeyd edir, bu bayramı öz milli varlığı kimi qoruyub saxlayır. Bu il Sumqayıt şəhəri Novruz bayramına daha möhtəşəm və daha mütəşəkkil hazırlaşıb. Şəhər sakinlərinin sevimli istirahət guşəsi olan Sumqayıt bulvarı baharın gəlişi münasibətilə başdan-başa bayram libasına bürünüb. Bayram şənliyində Sumqayıt şəhər İcra Hakimiyyətinin başçısı Zakir Fərəcov, millət vəkilləri, şəhər rəsmiləri, ictimaiyyət nümayəndələri və minlərlə şəhər sakinləri iştirak edib. Sumqayıt şəhər İcra Hakimiyyətinin başçısı Zakir Fərəcov şəhər sakinlərini təbrik edərək, bayram tonqalını alışdırıb.
-
Zakir Fərəcov Coratda Novruz şənliyində iştirak edib
2019-03-17Bolluğun, bərəkətin və xeyirxahlığın təcəssümü olan Novruz doğma Azərbaycanımızın hər yerində olduğu kimi, Sumqayıtda da böyük təntənə ilə qeyd edilir. Belə ki, Sumqayıt şəhərinin Corat qəsəbəsində milli mənəvi dəyərləri və adət-ənənələrimizi özündə əks etdirən bayram tədbiri keçirilib. Sumqayıt şəhər İcra Hakimiyyətinin başçısı Zakir Fərəcov tədbirin keçirildiyi ərazidə sakinlərlə görüşüb, onlara bayram təbriklərini çatdırıb.
-
Sumqayıt şəhər İcra Hakimiyyətinin başçısı Zakir Fərəcov “Doğma Sumqayıtımızın yubileyini ləyaqətlə qarşılayaq” devizi altında təşkil olunmuş tədbirdə iştirak edib
2019-03-16Sumqayıt şəhər Heydər Əliyev Mərkəzində “Doğma Sumqayıtımızın yubileyini ləyaqətlə qarşılayaq” devizi altında Ağsaqqallar Şurasının üzvlərinin və gənclərin iştirakı ilə tədbir keçirilib. Tədbirdə Sumqayıt şəhər İcra Hakimiyyətinin başçısı Zakir Fərəcov, şəhər Ağsaqqallar Şurasının üzvləri, şəhər ictimaiyyətinin nümayəndələri və gənclər iştirak edib.
-
Sumqayıtda gender zorakılığı və uşaqlara qarşı zorakılıq üzrə monitorinq qrupunun iclası keçirildi
2019-03-16Sumqayıt şəhər İcra Hakimiyyəti yanında himayəçilik və qəyyumluq komissiyasının tərkibində fəaliyyət göstərən gender zorakılığı və uşaqlara qarşı zorakılıq hallarının qarşısını almaq məqsədi ilə yaradılan monitorinq qrupunun illik hesabat tədbiri keçirilib. Çıxış edən Sumqayıt şəhər İcra Hakimiyyəti başçısının müavini monitorinq qrupunun sədri Ülviyyə Müzəfərova qeyd edib ki, qrupun əsas məqsədi sosial bəla olan boşanmaların, erkən nikahların, xəstə və iş qabliyyəti olmayan şəxslərin üzərində qəyyumluğun təyin olunması məsələlərinə baxılmasıdır.
-
“Azərikimya” İstehsalat Birliyinin təşəbbüsü ilə Sumqayıtda bayram konserti keçirilib
2019-03-15Sumqayıtın ictimai və mədəni həyatında yaxından iştirak edən SOCAR-ın “Azərikimya” İstehsalat Birliyinin təşəbbüsü ilə xalqımızın ən əziz və ən sevimli bayramlarından olan Novruz bayramı ərəfəsində çoxsaylı neftçilər ailəsinin – ”Azərikimya”nın, SOCAR-Polymer MMC-nin, SOCAR Karbamid zavodunun, “Azəriqaz” İB-nin Sumqayıt Qaz İdarəsinin və Sumqayıtda yaşayan digər əməkdaşlarının, eyni zamanda şəhər sakinlərinin asudə vaxtlarının və istirahətlərinin səmərəli təşkili məqsədi ilə “Kimyaçı” Mədəniyyət sarayında geniş konsert proqramı təşkil edilib. Tədbirdə Sumqayıt şəhər İcra Hakimiyyətinin başçısı Zakir Fərəcov, «Azərikimya» İstehsalat Birliyinin Baş direktoru İmran Arzumanzadə və eləcə də şəhər ictimaiyyətinin nümayəndələri iştirak edib.
